Misioni paqeruajtës i KFOR-it, i udhëhequr nga NATO, ka shënuar Ditën Ndërkombëtare me një ceremoni të veçantë në shtabin qendror të tij në Prishtinë.
Në këtë aktivitet morën pjesë personel ushtarak dhe civil nga 33 shtete kontribuuese – mes tyre aleatë dhe partnerë të NATO-s – si dhe stafi lokal bashkë me familjet e tyre.
Postimi:
Sot, misioni i KFOR-it i udhëhequr nga NATO-ja ka shënuar Ditën Ndërkombëtare në selinë e KFOR-it në Kampin Film City, në Prishtinë. Ngjarja mblodhi së bashku personel civil dhe ushtarak nga 33 shtetet që kontribuojnë me trupa – përfshirë aleatët dhe partnerët e NATO-s – si dhe stafin lokal me familjet e tyre.
“Është një udhëtim që mund ta bësh pa hipur në avion – një shëtitje rreth botës që mund ta përjetojmë së bashku, këtu – tha gjeneral Barduani duke iu drejtuar pjesëmarrësve – në një ditë plot gëzim ku shpalosen pasioni, kulturat dhe traditat e shumë kontingjenteve dhe vendeve që përbëjnë KFOR-in.”
Dita Ndërkombëtare pasqyron angazhimin e qëndrueshëm të KFOR-it për gjithëpërfshirje, unitet dhe respekt të ndërsjellë midis të gjithë komponentëve të tij – personelit ushtarak, civil dhe stafit lokal – në përputhje me moton e KFOR-XXIX: Unitas Omnia Vincit – “Uniteti i kapërcen të gjitha.”
KFOR vazhdon të zbatojë mandatin e tij – të bazuar në Rezolutën 1244 të Këshillit të Sigurimit të OKB-së të vitit 1999 – për të kontribuar në një ambient të sigurt dhe të qetë për të gjithë njerëzit dhe komunitetet që jetojnë në Kosovë dhe për lirinë e lëvizjes, në çdo kohë dhe në mënyrë të paanshme. KFOR punon në koordinim të ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX), në përputhje me rolet e tyre si përgjegjës për sigurinë.
