Pas deklaratës së Trump për Iranin, qeveria e Kuvajti u ka bërë thirrje qytetarëve të qëndrojnë në shtëpi gjatë natës, në kuadër të masave për sigurinë.
Autoritetet u kanë kërkuar banorëve të shmangin daljet nga ora 00:00 deri në 06:00 të mëngjesit të ditës së nesërme.
Në një deklaratë të publikuar në platformën X, Ministria e Brendshme e Kuvajtit thekson se “qytetarëve dhe banorëve u kërkohet të qëndrojnë në shtëpi dhe të dalin vetëm nëse është absolutisht e nevojshme”.
Sipas autoriteteve, kjo masë synon të ruajë sigurinë publike, të mbështesë operacionet e forcave të rendit dhe të garantojë stabilitetin në vend.
