Përfaqësuesja e Lartë e Bashkimit Evropian për Politikë të Jashtme dhe të Sigurisë Kaja Kallas, do të nisë sot një vizitë në rajon duke ia filluar nga Beogradi, pastaj në Kosovë dhe në Maqedoninë e Veriut. Kjo është vizita e saj e dytë në Ballkanin Perëndimor, shkruan Gazeta Express.
Në njoftimin e BE’së për media, bëhet e ditur se Kallas, në Kosovë do të takohet me përfaqësuesit e partive politike dhe të organizatave të shoqërisë civile, si dhe e njëjta nesër do të mbajë konferencë për media.
Po ashtu, Kallas në Kosovë do të vizitojë edhe misionin e BE-së për Sundimin e Ligjit, EULEX, si dhe do të takohet me komandantin e KFOR-it, Enricpo Barduani.
Pos këtyre, në njoftim bëhet e ditur edhe për agjendën e Kallas, që do të ketë në Serbi dhe Maqedoninë e Veriut.
Komunikata:
Përfaqësuesja e Lartë Kaja Kallas udhëton për në Serbi, Kosovë dhe Maqedoni të Veriut
Më 21-23 maj, Përfaqësuesja e Lartë e BE-së për Punët e Jashtme dhe Politikën e Sigurisë/Zëvendëspresidentja e Komisionit Evropian (HR/Zëvendëspresidente), Kaja Kallas, do të udhëtojë për në Serbi, Kosovë dhe Maqedoninë e Veriut në vizitën e saj të dytë në Ballkanin Perëndimor.
Në Serbi, Përfaqësuesja e Lartë Kallas do të takohet me Presidentin Aleksandar Vuçiç, Kryeministrin Đuro Macut, me Ministrin e Jashtëm Marko Đuriç dhe Ministrin e Integrimit Evropian Nemanja Starović, Kryetaren e Parlamentit Ana Brnabić dhe grupet parlamentare të opozitës. Ajo do të flasë me studentët dhe organizatat e shoqërisë civile. Një konferencë për shtyp është planifikuar për në orën 13:15 më 22 maj, e transmetuar drejtpërdrejt në EBS.
Në Kosovë, Përfaqësuesja e Lartë Kallas do të takohet me përfaqësues të partive politike dhe organizatave të shoqërisë civile. Ajo do të mbajë një konferencë për shtyp në Shtëpinë e Evropës më 22 maj në orën 15:45, e cila do të transmetohet drejtpërdrejt në EBS. Përfaqësuesja e Lartë Kallas do të vizitojë Misionin e Bashkimit Evropian për Sundimin e Ligjit në Kosovë (EULEX). Ajo do të takohet gjithashtu me Komandantin e KFOR-it Enrico Barduani.
Në Maqedoninë e Veriut, Përfaqësuesja e Lartë Kallas do të takohet me Kryeministrin Hristijan Mickoski. Një konferencë e përbashkët për shtyp është planifikuar për 23 maj, e transmetuar drejtpërdrejt në EBS në orën 12:10. Ajo do të hapë Dialogun e parë për Sigurinë dhe Mbrojtjen midis BE-së dhe Maqedonisë së Veriut me Ministrin e Punëve të Jashtme dhe Tregtisë Timcho Mucunski dhe do të vizitojë Organizatën e Përhershme të Task Forcës Mjekësore Ballkanike (BMTF SO) në prani të Ministrit të Mbrojtjes Vlado Misajlovski. Ajo gjithashtu do të angazhohet me të rinj vendas, studentë dhe profesionistë të rinj. /GazetaExpress
