“I shoh ende të rrezikshme dhe në garë për gjithçka”, – tha Fabio Capello për Juventusin dhe Romën. Ish-trajneri i të dyja klubeve foli në “Gazzetta dello Sport” për ekipet e Spallettit dhe Gasperinit, pas rezultateve të fundit: barazimi i Juventusit ndaj Lecce dhe humbja e Romës ndaj Atalantës.
Te Juventusi, lojtarë kyç janë anësorët Yildiz, Conceiçao dhe Zhegrova, të rëndësishëm për duelet një kundër një dhe penetrimet. McKennie është vendimtar për topat në zonë. Capello thekson mungesën e sulmuesve, problem që e kanë edhe romakët. Te Roma, Soulé dhe Dybala mund të jenë arma shtesë, por duhet të jenë në formë maksimale për të bërë diferencën.
Për vendin e katërt, Capello nuk preferon favorit: “Spalletti i ka dhënë Juventusit një identitet loje, Gasperini po sjell te Roma agresivitet, përulësi dhe vendosmëri; mentalitet i vështirë për t’u imponuar në kryeqytet. Të dy trajnerët janë ende në mes rrugës”.
The post “Juventusi dhe Roma janë ende të rrezikshme, në garë për gjithçka” appeared first on Telesport.
