E diela ka qenë një ditë shumë aktive për drejtuesit e Juventusit përsa i përket merkatos. Bardhezinjtë kanë arritur marrëveshjen me Lille-n për transferimin e Edon Zhegrovës për 20 milionë euro.
Para se të arrinte te Zhegrova, Juventus duket se ka arritur të “sistemojë” në Spanjë, Nico Gonzalez. Mediat argjentinase raportojnë se Juventus ka gjetur gjuhën e përbashkët me Atletico Madrid për huazimin e Nico Gonzalez, në formë huazimi me detyrim blerjeje nëse plotësohen kushte të caktuara për 35 milionë euro.
Mesfushori 27-vjeçar ishte jashtë planeve të Igor Tudor, largimi i tij i hapi rrugë transferimit të Edon Zhegrovës. Gonzalez u transferua nga Fiorentina te Juventus, fillimisht në formë huazimi për 8.4 milionë euro në vitin 2024, me detyrim blerjeje për 28.1 milionë euro të tjera plus bonuse këtë verë.
Ai luajti 39 ndeshje me bardhezinjtë, ku shënoi 5 gola dhe dha 4 asiste.
The post Juventus shumë aktiv sot në merkato. Pasi siguroi Zhegrovën, “sistemon” në Spanjë lojtarin e mbetur jashtë planeve të Tudor appeared first on Telesport.
