Në prag të nisjes së sezonit të ri të Serie A, që konkretisht nis fundjavën e ardhshme, si zakonisht super kompjuteri i Opta-s ka bërë parashikimet e tij.
Sipas tij, Juventus i drejtuar nga Igor Tudor do të mbyllë sezonin e ri në vendin e gjashtë, që do të thotë kualifikim në Conference League. Sipas kompjuterit të Opta-s, Milan do ta mbyllë sezonin e ri në vendin e pestë, që do të thotë kualifikim në Europa League.
Surprizë mund të quhet Roma, e cila sipas parashikimit në fjalë do ta mbyllë në vendin e katërt. Hera e fundit që verdhekuqtë janë renditur në këtë pozicion ka qenë në sezonin 2017-2018.
Në vendin e tretë do renditet Atalanta, ndërsa gara për titull do jetë sërish ajo e sezonit të kaluar mes Napolit dhe Interit, por këtë herë sipas kompjuterit të Opta-s në fund do festojnë zikaltrit. Përsa i përket ekipeve që do bien nga Serie A, super kompjuteri parashikon rënien e Pisa, Cremonese dhe Lecce.
The post Juventus në vend të gjashtë, Milan i pesti! Super kompjuteri i Opta-s bën parashikimin për sezonin e ri të Serie A appeared first on Telesport.
