Gianluca Di Marzio por edhe burime të tjera nga Italia bëjnë me dije se Juventus ka provuar këto ditë për transferimin e Albert Gudmundsson, mesfushorit me tipare sulmuese të Fiorentinës, por ka marrë refuzimin e prerë nga klubi vjollcë.
Islandezi 28-vjeçar ka treguar një formë të mirë këtë sezon, ku ka shënuar 7 gola dhe ka dhënë edhe 4 asiste në të gjitha garat. Pavarësisht refuzimit të Fiorentinës, bardhezinjtë nuk kanë hequr dorë nga ideja e transferimit të Gudmundsson dhe do tentojnë sërish për transferimin e tij.
Vlera në treg e lojtarit sipas Transfermarkt është 13 milionë euro, ndërsa kontrata e tij me Fiorentinën skadon në vitin 2029. Për momentin, Gudmundsson vazhdon të jetë i angazhuar te Fiorentina, por situata mund të ndryshojë deri në fund të merkatos së janarit.
The post Juventus i vë syrin mesfushorit sulmues të rivalëve në Serie A, merr refuzimin kategorik. Bardhezinjtë nuk dorëzohen… appeared first on Telesport.
