Justin Kluivert imiton të atin, holandezi hyn edhe në librin e rekordeve “Guinness”

Justin Kluivert ka hyrë në historinë e futbollit falë “Guinness World Record”. Sulmuesi i Bournemouth u shpërblye me një pllakatë të tillë për një arritje të paprecedentë: më 30 nëntor 2024, në fitoren 4-2 ndaj Wolverhampton, ai realizoi 3 penallti në një ndeshje të Premier League, diçka që nuk ishte parë kurrë më parë.

Immagine

Golat e tij në minutat 3’, 18’ dhe 74’, së bashku me rrjetën e Kerkez, i dhanë skuadrës fitoren që nisi një seri të gjatë pa humbje (8 fitore e 4 barazime, deri më 25 janar). Kluivert e mbylli sezonin 2024/25 me 12 gola dhe 6 asiste në 34 ndeshje, ndërsa këtë edicion është ende në kërkim të rrjetës. Megjithatë, Bournemouth ndodhet në vendin e katërt të Premier League.

Immagine

Ky rekord e vendos Justin pranë babait të tij, Patrick Kluivert, i cili më 24 maj 1995 u bë lojtari më i ri që shënoi në një finale Champions League, duke i dhënë Ajax-it trofeun me një gol ndaj Milanit në moshën 18 vjeç e 327 ditë. Familja “Kluivert”, pra, mbetet e lidhur fort me librin e rekordeve.

The post Justin Kluivert imiton të atin, holandezi hyn edhe në librin e rekordeve “Guinness” appeared first on Telesport.

Banka Qendrore e Kosovës (BQK) dhe Banka Qendrore Evropiane (BQE) kanë nënshkruar një marrëveshje bashkëpunimi për forcimin e mekanizmave kundër falsifikimit të kartëmonedhave euro, duke e vendosur Kosovën më pranë standardeve të Bashkimit Evropian në këtë fushë. Marrëveshja u nënshkrua nga guvernatori i BQK-së, Ahmet Ismaili, dhe presidentja e BQE-së, Christine Lagarde. Sipas njoftimit zyrtar, ky hap shënon një moment të rëndësishëm në integrimin e BQK-së në rrjetin profesional të Eurosistemit dhe partnerëve ndërkombëtarë përmes Sistemit të Monitorimit të Falsifikimeve të BQE-së (CMS). “Përmes kësaj marrëveshjeje, BQK do të ketë qasje në mekanizmat operativë të BQE-së të dizajnuar për të parandaluar dhe luftuar falsifikimin e kartëmonedhave euro”, thuhet në komunikatën e institucionit kosovar, ku theksohet se bashkëpunimi do të përfshijë edhe shkëmbimin e informacionit teknik dhe ndërtimin e kapaciteteve vendore. Ky projekt është zhvilluar me mbështetjen e Bankës Kombëtare të Kroacisë dhe institucioneve relevante të Kosovës në kuadër të TAIEX-it të BE-së, duke synuar krijimin e Qendrës Kombëtare Kundër Falsifikimit dhe të Sistemit Kombëtar për Monitorimin e Falsifikimeve. BQK vlerësoi rolin e partnerëve ndërkombëtarë, veçanërisht të BQE-së, dhe riafirmoi përkushtimin për modernizimin e përpunimit të parasë, rritjen e vetëdijes publike dhe avancimin e Kosovës drejt integrimit të plotë në praktikat e përbashkëta të BE-së.

September 22, 2025