Ka finale që vendosen nga talenti dhe të tjera që mbahen nga pas, në heshtje. Superkupa e Barçës shpjegohet edhe nga porta, nga Joan Garcia. 6 muaj pas ardhjes te katalanasit, në “El Clásico” e tij të parë zyrtare, portieri fitoi titullin e parë me fanellën blaugrana. Pësoi dy gola, por asnjëri nuk ishte faji i tij. Vinicius dhe Gonzalo shënuan në aksione të pandalshme.
Kur Reali shtoi presionin, Joan u shfaq vendimtar: 7 pritje në 90 minuta, 4 me shtrirje, 6 brenda zonës, 89% saktësi në pasim dhe 10 rikuperime. Vendimtare ishin dy pritjet në shtesë ndaj Asencio dhe Álvaro Carreras, që shmangën penalltitë. I qetë, i sigurt në ajër dhe pa teprime, i dha stabilitet Barcelonës.
Edhe pse iu ndërpre seria e paprekshmërisë pas 517 minutash lojë (e 12-ta më e gjata në histori), ndikimi i tij ishte total. Kampion olimpik më 2024, ai u largua nga Espanyol për tituj; i pari erdhi pas 6 muajsh. Sot, Joan Garcia shihet si portieri më i mirë spanjoll dhe ndër më vendimtarët në botë. Botërori duhet të jetë pasojë, jo debat…
The post Joan Garcia ndryshoi historinë e tij dhe u kurorëzua në Jeddah appeared first on Telesport.
