Ditën e sotme, mediat spanjolle raportuan se Barcelona ka hequr dorë nga ideja për të transferuar Marcus Rashford, për shkak të formës jo të qëndrueshme të anglezit dhe mbi të gjithë pagës së tij shumë të lartë.
“Marca” raporton se Barcelona gjithashtu ka hequr dorë edhe nga një pistë tjetër që është përfolur shumë në ditët e fundit, bëhet fjalë për Denzel Dumfries.
Edhe pse u përfol për një interes konkret ndaj tij, klubi katalanas ka hequr dorë nga mundësia për të transferuar holandezin për 25 milionë euro, sipas klauzolës që ai ka deri më datën 15 korrik.
Pavarësisht disa problemeve që ka pasur me Jules Kounde, për shkak të sjelljeve të tij, Hansi Flick është i kënaqur me francezin në krahun e djathtë si dhe me djaloshin e ri Hector Fort, të cilin trajneri gjerman e sheh si një lojtar ideal në të ardhmen. Në raste emergjente, Flick mund të aktivizojë në këtë krah edhe Eric Garcia, ndaj Barcelona nuk e ka të nevojshme transferimin e Dumfries.
The post Jo vetëm Rashford, Barcelona heq dorë dhe nga ylli i Interit appeared first on Telesport.
