Jennifer Lopez po përballet me një padi sepse postoi foto të saj nga një festë në Hollywood në rrjetet sociale, dhe fotografi dhe agjencia e paparacëve pretendojnë se ajo nuk kishte leje për ta bërë këtë.
Lopez ndau foto nga mbërritja e saj në festën e Amazon MGM Studios dhe Vanity Fair në Los Angeles, natën para ndarjes së çmimeve Golden Globes të këtij viti në janar. Fotografi Edwin Blanco dhe agjencia Blackgrid për të cilën ai punonte ngritën padi të ndara duke pretenduar se zotërojnë të drejtat e autorit për dy nga fotot.
Padia pretendon se fotot janë përdorur për të promovuar paraqitjet publike të Lopez, për të rritur angazhimin e përdoruesve në mediat sociale dhe për të krijuar besueshmëri për përmbajtjen e saj të markës. Backgrid dhe Blanco kërkojnë dëmshpërblim deri në 150,000 dollarë amerikanë për foto.
J-Lo has faced legal action before – in 2019 and again in 2020 – for sharing photos taken of her by others. #JLo #JenniferLopez #LosAngeles #Amazon #VanityFair #GoldenGlobes #Paparazzi #EntertainmentNews #US #BBCNews ♬ original sound – BBC News
Në foto, Lopez shihet me një fustan të bardhë dhe një pallto të bardhë me lesh artificial përpara hotelit Chateau Marmont. Ajo i postoi fotot në Instagram dhe Xu me mbishkrimin GG Weekend Glamour, pas të cilave ato u ndanë nga fansa të shumtë.
“Përdorimi i paautorizuar i fotografive nga znj. Lopez është për qëllime komerciale dhe ka për qëllim vetëpromovimin. Lopez i përdori fotografitë për të nxjerrë në pah stilistin e veshjeve dhe bizhuterive të saj, duke përdorur vëmendjen mediatike të eventit për të promovuar lidhjet e saj të modës dhe bashkëpunimet me markat”, thuhet në padi.
Kur bëhet fjalë për pronësinë e një fotoje, personi në foto nuk është automatikisht pronar i të drejtës së autorit, por këto të drejta zakonisht i përkasin fotografit ose kompanisë për të cilën ai punon, dhe ata vendosin se kush mund t’i përdorë fotot dhe me çfarë çmimi.
Dokumentet ligjore thonë se Backgrid dhe Blanco kontaktuan përfaqësuesit e Lopez pasi u publikuan fotot dhe ranë dakord për një tarifë, por ajo ende nuk e ka nënshkruar atë kontratë. Lopez është paditur më parë, në vitin 2019 dhe përsëri në vitin 2020, për ndarjen e fotove të bëra nga fotografë të tjerë.
