“Këtë javë, ne po u dërgojmë dhjetëra mijëra thirrje rezervistëve tanë për të përforcuar dhe zgjeruar operacionet tona në Rripin e Gazës”, tha komandanti ushtarak gjatë një vizite në një bazë ushtarake në jug të Haifës.
“Ne po rrisim presionin me qëllim që të kthejmë popullin tonë dhe të mundim Hamasin”, shtoi Zamir, shkruan BBC.
“Ne do të operojmë në zona shtesë dhe do të shkatërrojmë të gjithë infrastrukturën mbi dhe nën tokë.”
Bëhet e ditur se kabineti i sigurisë i Izraelit është planifikuar të diskutojë sonte përshkallëzimin e konfliktit të Gazës.
Sipas raporteve të mediave izraelite, kryeministri Benjamin Netanyahu ka dhënë tashmë miratimin e tij për planet.
Ndryshe, zgjerimi i planifikuar i sulmeve izraelite vetëm do të përkeqësojë situatën tashmë të vështirë për civilët palestinezë në Gaza, për të cilën punonjësit humanitar thonë se është katastrofike. /Telegrafi/
