BBC ka folur me banorë që jetojnë pranë vendit ku ndodhi shpërthimi mëngjesin e sotëm në jug të Izraelit.
Inbal Cohen ndodhej në apartamentin e saj, rreth 1 kilometër larg ndërtesës që u godit, kur dëgjoi alarmet për raketa dhe u drejtua menjëherë për në strehë. Ajo thotë se zhurma e shpërthimit ishte ndryshe nga çdo gjë që kishte dëgjuar më parë.
“Ishte e frikshme. Shumë e frikshme,” më thotë ajo. Dyqani që ajo menaxhon ndodhet përballë vendit të shpërthimit dhe xhamat janë thyer, por ajo shprehet e lehtësuar që nuk ka pasur dëme më të mëdha.
Aty pranë, bisedojmë edhe me 61-vjeçarin Shimon Hagi. “Ishte një shpërthim shumë i fuqishëm,” thotë ai. “Shpresojmë që ky të jetë i fundit.”
Ai thotë se ka ndjenja të përziera për sulmet e Izraelit në Iran, por mendon se “nuk kishin zgjidhje tjetër”.
“Do të shohim [nëse Izraeli ka bërë mjaft]. Shpresa ime është që regjimi [iranian] të rrëzohet,” shton ai.
