Fitorja e Parmës dhe hapi fals i Milanit kanë krijuar një renditje të Serie A që tashmë “erëzon” verdikt, të paktën për gjysmën e parë të sezonit. Interi është praktikisht kampion i dimrit 2025/26. Edhe pse Interit dhe Milanit iu mungojnë ende nga një ndeshje për ta rikuperuar për shkak të Superkupës Italiane, të luajtur në dhjetor, në thelb mungon vetëm zyrtarizimi.
Aktualisht zikaltërit kanë 3 pikë avantazh ndaj kuqezinjve. Për ta mbyllur zyrtarisht fazën e parë, Interi pret Lecce të mërkurën në “San Siro”, ndërsa Milani do të luajë të nesërmen në Como. Edhe në rast barazimi pikësh (humbje e Interit dhe fitore e Milanit), skuadra e Chivu duhet të shpërdorojë në mënyrë të pabesueshme avantazhin +10 në diferencë golash, vendimtare në rast barazimi.
Kalendari mund të krijojë një situatë të çuditshme, por për titullin “kampion dimri” vlejnë vetëm pikët e 19 javëve të para. Statistikat flasin qartë: në Serie A me 20 skuadra (nga 2004/05), duke përjashtuar “Calciopolin”, në 15 nga 19 raste kryesuesi në gjysmën e sezonit (kampioni i dimrit) ka fituar edhe titullin.
The post Inter, titulli “kampion dimri” është praktikisht i yti. Statistika që bën Chivu të ëndërrojë appeared first on Telesport.
