Inter po përballet me Udinese-n në “San Siro”, ndeshje e vlefshme për javën e dytë në Serie A. 45 minutat e para sollën 3 gola. Inter gjeti avantazhin në minutën e 15-të, pas një aksioni të gjatë, ku në fund Dumfries ndodhej në vendin e kohën e duhur për të dërguar topin në rrjetë.
Në minutën e 28-të, Dumfries bëhet sërish protagonist, por këtë herë për keq. Holandezi prek topin me dorë pas një goditjeje këndi në favor të Udinese. Pas ndërhyrjes së VAR-it dhe pasi pa pamjet në ekran, arbitri dha penallti, aty ku Keinan Davies u tregua i saktë dhë barazoi shifrat për miqtë.
Në minutën e 40-të, Arthur Atta shënon golin e dytë për Udinese, pas një kundërsulmi të shpejtë dhe të finalizuar me sukses. Pjesa e parë, Inter-Udinese mbyllet 1-2.
Në ndeshjen tjetër, Lazio po fiton në “Olimpco” 3-0 ndaj Veronës. Bardhekaltrit e drejtuar nga Maurizio Sarri shënuan dy herë brenda 10 minutave të para, Guendouzi 3′ dhe Zaccagni 10′. Castellanos shënoi golin e tretë në minutën e 42-të.
The post Inter shënon i pari, por Udinese bën përmbysjen e madhe në pak minuta. Lazio bën detyrën (video) appeared first on Telesport.
