Inter do të jetë një nga ekipet më aktive gjatë merkatos së verës. Zikaltrit duket se do të bëjnë ndryshime të shumta, ku do të ketë disa largime, jo vetëm veteranët, por edhe lojtarë titullarë si Hakan Calhanoglu, Marcus Thuram e ndonjë tjetër. Ndërkohë, këtë verë pritet që Inter të bëjë të paktën 2-3 përforcime cilësore dhe me kosto të lartë, ndryshe nga ato që jemi mësuar të bëjë në vitet e fundit.
“Fichajes” zbulon se Inter është futur në garë për një transferim të mundshëm të Rodrygo-s. Braziliani pritet të largohet nga Real Madrid gjatë verës së ardhshme dhe destinacioni i ri mund të jetë Serie A.
Sigurisht që transferimi i një lojtari si Rodrygo nuk do të jetë aspak i lehtë duke ditur numrin e madh të ekipeve të interesuara për të. Megjithatë, Inter është një nga opsionet e mundshme. Kosto e këtij operacioni llogaritet te 80-90 milionë euro.
The post Inter rrit stekën, synon transferimin e yllit të madh të Real Madridit appeared first on Telesport.
