Të paktën 19 persona u lënduan në një rrëmujë turme në një festival vjetor të motoçikletave në Atlantic Beach, Karolinë e Jugut.
Incidenti në Festivalin e Trashëgimisë Kulturore dhe Biçikletave të Perlës së Zezë ndodhi menjëherë pas orës 1 të mëngjesit sipas orës lokale, pranë një skene në këtë aktivitet, shkruan ABC News, transmeton Klankosova.tv.
Policia dyshon se është nisur nga një individ i cili papritmas filloi të vraponte përmes turmës, thanë zyrtarët.
“Në asnjë moment nuk pati përleshje të konfirmuara, armë ose kërcënime të drejtpërdrejta për sigurinë publike. Situata duket se është shkaktuar kur një individ filloi të vraponte, duke shkaktuar një reagim të shkurtër zinxhir brenda turmës që zgjati vetëm disa sekonda”, tha në një deklaratë Menaxheri i Përkohshëm i Qytetit të Atlantic Beach, Titus Leaks.
