Ardhja e Luciano Spalletti-t në krye të stolit të Juventusit tani po jep efektet e para, jo vetëm te rezultatet, por edhe në aspekte të tjera në fushë. Gjëja që bie direkt në sy është “ringjallja” e Teun Koopmeiners, i cili deri para ardhjes së Spalletti-t si trajner konsiderohej si dështimi i madh i Juventusit në merkato. Bardhezinjtë paguan për të dy vite më parë 60 milionë euro tek Atalanta, por holandezi nuk ka arritur dot të jetë në atë nivel që ishte te bergamaskët.
Në dy fitoret e fundit të Juventusit, Koopmeiners ka luajtur si mbrojtës i majtë, në mbrojtjen me 3 lojtarë dhe në fakt ka dhënë rezultat shumë të mirë. Koopmeiners i ndeshjeve të fundit duket se nuk ka lidhje fare me atë të këto dy sezoneve që kemi parë te Juventus.
Gjëja kryesore që ka bërë Spalletti është se i ka rikthyer vetëbësimin holandezit, kaq i ka mjaftuar për të dhënë shkëndijat e para të “rilindjes” te Juventus. 27-vjeçari luan pa frikë, i sigurt në vete dhe duket krejtësisht ndryshe nga ai lojtar i disa javëve më parë.
The post Ideja e Spalletti-t funksionon, “dështimi” 60-milionë eurosh jep shkëndijat e para… për të rilindur appeared first on Telesport.
