Në pjesën e parë të intervistës për “(Ne)uspjeh prvaka”, Ibrahimović u kthye në fëmijërinë e tij, duke kujtuar rritjen në Malmö, stërvitjet e para dhe fillimet e karrierës, si dhe momentet kur, si çdo djalë, kërkonte idhujt e vet.
Është e njohur që Zlatan ka theksuar më parë se braziliani Ronaldo ishte idhulli i tij i madh, por në bisedën me Slaven Bilic ai shpjegoi më tej pse Ronaldo ndikoi kaq shumë në zhvillimin e tij, jo vetëm si lojtar, por edhe si person.
“Televizori nuk ishte me ngjyra, gjithçka ishte bardh e zi. Shikoja si fliste dhe si e paraqiste veten si Muhammad Ali. Nuk ishte arrogant. Si fëmijë desha të dija kush ishte ai, – tha Ibrahimović, duke shtuar: – I thashë vetes: dua të jem si ai, por në futboll. Fillova të shikoj ndeshje dhe atëherë pashë për herë të parë Ronaldon.
Kur sheh një lojtar të tillë, fillon të bësh atë që bën ai. Për mua Ronaldo ishte, dhe mbetet, lojtari më i mirë i të gjitha kohërave. Ka shumë lojtarë të mëdhenj, por ai është numri një për mua”.
Ai tregoi edhe sa i obsesionuar ishte me lojën e Ronaldos, para rrjeteve sociale: “Nuk kishte Instagram apo YouTube. Shkoja në bibliotekë, kërkoja video, fshihesha për të parë driblimet dhe lëvizjet e tij. Doja t’i mësoja truket e tij. Në fund ndërtova stilin tim, por përmes Muhammad Ali dhe Ronaldos”.
The post Ibrahimović: Futbolli ka shumë emra të mëdhenj, por vetëm ai është më i miri appeared first on Telesport.
