Man. City ka pësuar humbjen e dytë rresht në Premier League dhe të mendosh që është vetëm java e tretë. Brighton ka bërë surprizën sot, duke përmbysur disavantazhin e pjesës së parë dhe ka fituar me shifrat 2-1 ndaj Man. City.
“Qytetarët” kaluan të parët në avantazh me të zakonshmin Erling Haaland, i cili shënoi pas një rrëmuje në zonë dhe topit të marrë nga Marmoush. Ky është goli i 88-të i norvegjezit në 100 ndeshje në Premier League.
Brigthon barazon shifrat në minutën e 65-të, ku pas një goditjeje dënimi në zonë, Matheus Nunes prek topin me dorë dhe arbitri jep penallti. “Veterani” James Milner tregohet i saktë, dërgon topin në rrjetë dhe ia dedikoi atë Diogo Jota-s.
Hera e fundit që James Milner kishte shënuar në Premier League, kishte qenë në dhjetor të vitit 2019. Dikur, James Milner “përjashtohej” nga Pep Guardiola kur mori drejtimin e City-t, ndërsa sot edhe pse 39 vjeç vazhdon të luajë titullar dhe të jetë protagonist. Goli i përmbysjses së madhe do të vinte në minutën e 88-të, ku Brajan Gruda do të shënonte pas një veprimi të bukur në zonë dhe asistit që mori nga Mitoma.
Në ndeshjen tjetër, Nottingham Forest u mposht në shtëpi 0-3 nga West Ham. Miqtë shënuan tre herë në minutat e fundit të kohës së rregullt, Jarrod Bowen në minutën e 84-të, Lucas Paqueta nga penalltia në minutën e 88-të dhe Wilson në 90+1.
The post I “përjashtuari” i Guardiolës dhe futbollisti me origjinë shqiptare i shkaktojnë humbjen e dytë rresht Man. City-t (video) appeared first on Telesport.
