Një ngjarje e rëndë ka ndodhur të premtën në Prishtinë, ku një zyrtar policor dyshohet që i ka dhënë fund jetës.
Bëhet fjalë për Alban Tolajn, zyrtarin policor që dyshohet të jetë vetëvrarë dje rreth orës 14:45.
Sot atij i është dhënë lamtumira e fundit dhe mediumi “IndeksOnline” ka siguruar një foto nga ceremonia e varrimit.
Policia ka dhënë detaje lidhur me ngjarjen që tronditi opinionin publik.
”Policia menjëherë ka dalë në vendin e ngjarjes si dhe mjekët emergjent të cilët kanë konstatuar vdekjen e viktimës, mashkull, 47 vjeç, zyrtar policor.
Mbështetur në informacionet e para nga vendi i ngjarjes, përkundër që ka elemente që sugjerojnë për vetëvrasje, policia në koordinim me prokurorin e shtetit ka nisur një hetim mbi vdekjen dhe me kujdes të shtuar po shqyrton të gjitha aspektet e rastit për ndriçimin e plotë të rrethanave të kësaj ngjarje tragjike”, deklaroi për media zëdhënësi i policisë, Agron Borovci.
