Familja e një djali 10-vjeçar i cili u vra ndërsa përpiqej të merrte ndihmë nga Fondacioni Humanitar i Gazës (GHF) i mbështetur nga Izraeli dhe SHBA, ende nuk e ka marrë trupin e tij, më shumë se dy muaj pasi ai u zhduk.
Javën e kaluar, ushtari në pension i Ushtrisë Amerikane Anthony Aguilar, i cili punonte si mercenar për GHF-në, tha se pa forcat izraelite të vrisnin Abdulrahim ‘Amir’ al-Jaraba më 28 maj ndërsa punonte në një pikë shpërndarjeje ndihmash të GHF-së në jug të Gazës.
“Ky djalë i ri, Amiri, erdhi tek unë zbathur dhe me rroba të grisura që i vareshin nga trupi i tij i dobët. Ai kishte ecur 12 km për të shkuar atje, dhe kur arriti atje, na falënderoi për mbetjet dhe thërrimet e vogla që i kishin dhënë. Ai i vendosi në tokë, la ushqimin e tij poshtë, dhe vendosi duart në fytyrën time, në anët e fytyrës sime, në faqet e mia, këto duar të brishta, të dobëta i vendosi në fytyrën time, dhe më puthi. Ai më puthi dhe tha faleminderit në anglisht, faleminderit. Dhe ai mblodhi gjërat e tij dhe u kthye te grupi”, tha Aguilar.
“Ata qëlluan në këtë turmë dhe palestinezët – civilë, qenie njerëzore – bien përtokë, qëllohen. Dhe Amiri ishte një prej tyre”, tha ai.
Kushëriri i Amirit, Qusai al-Jarabe’a, tha se familja kishte shpresuar që ai të ishte ende gjallë pavarësisht se ishte zhdukur më shumë se dy muaj më parë.
“Ai është ende i zhdukur, fati i tij është i panjohur”, tha Qusai, duke iu referuar faktit se trupi i tij nuk është gjetur ende.
“Të gjithë janë zemërthyer. Por ai nuk është fëmija i parë, as nuk do të jetë i fundit që zhduket. Izraeli synon fëmijët”, shtoi ai.
Që nga 28 maji, kur thuhet se Amiri vizitoi një vend ndihme të GHF në jug të Gazës, njerka e tij Siham al-Jarabe’a tha se kishte kontaktuar çdo klinikë dhe spital funksional duke kërkuar ndonjë shenjë jete.
“Ai shkoi për të marrë ushqim dhe nuk u kthye më kurrë. Nëse qeni do të ishte zhdukur kështu, njerëzit do të kishin pyetur se ku shkoi – por për shkak se është një fëmijë palestinez, bota hesht”, tha ajo.
The post Historia e Amirit i cili u v*ra në Ga*za ndërsa kërkonte ndihmë tronditi botën, familja ende po kërkon trupin e tij appeared first on Kosovapost.net.
