“Il Mattino” ka publikuar një hipotezë, që do të ishte vërtet bombastike nëse do të konfirmohej. Kevin De Bruyne mund t’i thotë lamtumirë Napolit që në muajin janar. Dëmtimi i belgut është më serioz sesa pritej, ndaj duket e vështirë që 34-vjeçari të rikthehet para fundit të shkurtit.
Megjithatë, nuk ekziston një datë e saktë, sepse ish-lojtari i City është 34 vjeç dhe sepse në verë do të luajë Botërorin e fundit të karrierës së tij, ndaj nuk do të dëshirojë të marrë përsipër asnjë rrezik. Kur të rikthehet në dispozicion të Antonio Contes, do të nevojitet punë shtesë për të rifituar ritmin e ndeshjes dhe besimin.
Do të duhen muaj, jo javë, ndaj për këtë arsye, me merkaton tashmë të hapur prej ditësh, klubi napolitan ka ndërmend të marrë në konsideratë oferta të mundshme nga Arabia. Ajo që befason është edhe vullneti i vetë futbollistit, i cili duket i gatshëm të vlerësojë skenarë të ndryshëm nga ai aktual.
The post Hipoteza e bujshme për De Bruyne, mund të largohet nga Napoli qw në janar appeared first on Telesport.
