Ish-kryetari i Gjykatës Kushtetuese, Enver Hasani, në Rubikon të Klan Kosovës, tha se ambiciet e presidentes Vjosa Osmani edhe për një mandat, mund ta rrëzojnë atë nga posti.
“Ambiciet personale i kanë çuar njerëzit në shkelje kushtetuese dhe i kanë humbur postet, dy herë. Nëse presidentja nuk e luan rolin e vet siç e thotë aktgjykimi, e shkel Kushtetutën, sepse dikush e çon atë vendim në Gjykatën Kushtetuese. Aktgjykimi është i qartë”, theksoi Hasani.
