Aleanca për Ardhmërinë e Kosovës ka bërë të ditur se deputeti Bekë Berisha do të garojë për kryetar të Komunës së Prishtinës në zgjedhjet e ardhshme lokale.
Lajmin e ka konfirmuar kryetari i partisë, Ramush Haradinaj, gjatë një interviste në T7.
Haradinaj e cilësoi Berishën si një njohës të mirë të kryeqytetit dhe një figurë të përgatitur.
“E kemi identifikuar kolegun tonë Bekë Berisha, deputet i Kuvendit të Kosovës me shumë mandate, për kandidat për Prishtinë, jeton në Prishtinë që nga paslufta, është mjaft i integrun, i njeh specfikat e qytetit. Beka është mjaft i ngritur, inteligjent e intelektual, por nuk e ekspozon”.
