Kreu i Aleancës për Ardhmërinë e Kosovës, Ramush Haradinaj, ka njoftuar se ka ndjekur nga afër garën e skijimit në Bjeshkën e Madhe, një aktivitet të organizuar nga Komuna e Deçanit dhe Federata Skitare e Kosovës.
Në një postim në Facebook, Haradinaj ka theksuar se rritja e interesimit për sportet dimërore dhe bukuritë natyrore të bjeshkëve tona tregojnë qartë potencialin e madh të Kosovës për zhvillimin e turizmit malor dhe sportit të skijimit.
“Në Bjeshkën e Madhe ndoqëm nga afër garën e skijimit, organizuar nga Komuna e Deçanit dhe Federata Skitare e Kosovës. Është inkurajuese të shohësh rritjen e interesimit për sportet dimërore, ndërsa bukuritë e jashtëzakonshme dhe terrenet që ofrojnë bjeshkët tona dëshmojnë qartë potencialin e madh që ka Kosova për zhvillimin e turizmit malor dhe sportit të skijimit”, shkroi kreu i AAK-së.
