Pas barazimit të Arsenalit ndaj Manchester City me golin e Martinellit në minutën e 93-të, Guardiola u bë protagonist i një momenti “viral”. Trajneri spanjoll iu afrua arbitrit të katërt për të protestuar, pas një situate jo të qartë në lojë, por papritur e kapërceu tensionin. Aty për aty ndryshoi mendje dhe i dha një puthje në faqe arbitrit të katërt.
Ky gjest qartësisht miqësor e la këtë të fundit pa fjalë, duke u larguar me një buzëqeshje të turpshme. Nuk dihet se çfarë i thanë njëri-tjetrit, por momenti u bë “viral” për shkak të natyrës krejtësisht të papritur të tij.
Shikuesit nuk prisnin kurrë që Guardiola, i zemëruar fillimisht, ta kthente situatën në një gjest miqësor, pothuajse si të ishin miq të vjetër. Ky episod i pazakontë ka tërhequr vëmendjen e të gjithëve dhe mbetet një nga momentet më të çuditshme të ndeshjes, që përfundoi me barazimin 1-1.
— Follow @bt3 (@mmtv40036) September 21, 2025
The post Guardiola proteston ndaj gjyqtarit të katërt, më pas e lë pa fjalë… I jep një puthje të papritur (video) appeared first on Telesport.
