Pep Guardiola, me 39 trofe në karrierë mes Barcelonës, Bayern Munich dhe Manchester City, nuk e ka fshehur kurrë vetëkritikën. Në programin “Adiós a Txiki”, kushtuar ish-drejtorit Begiristain, trajneri katalanas pranoi se një nga gabimet më të mëdha në pankinën e City ishte largimi i Jesus Navas.
“Zgjedh një emër jo të zakonshëm, Jesus Navas. Duhej të kishte qëndruar më gjatë me ne. Faleminderit për vitin e kaluar bashkë, por më vjen vërtet keq që e lashë të ikte. Do të kisha dashur shumë të kishte qëndruar më gjatë, por ndonjëherë bëhen gabime”, – u shpreh Guardiola.
Navas zhvilloi 183 ndeshje, shënoi 8 gola dhe dha 35 asiste në 4 sezone me Manchester City. Përsa i përket lojtarit më të rëndësishëm të erës së tij në “Etihad”, Guardiola nuk pati dyshime: “Gundogan, për vlerën e madhe që pati te ne”.
The post Guardiola pranon gabimin: Sa keq që e lashë këtë futbollist të ikte nga Manchester City appeared first on Telesport.
