Pep Guardiola beson se Erling Haaland dha një nga performancat e tij më të paharrueshme të Manchester City në fitoren ndaj Newcastle të shtunën e kaluar, pavarësisht se nuk shënoi.
Haaland, i cili shpesh mbështetej për të shënuar gola, në vend të kësaj luajti rolin e krijuesit, duke dhënë një dorë në të dy golat e Nico O’Reilly. Norvegjezi fitoi 12 duele, një rekord në karrierën e tij, ndërsa i çoi kontributet e tij në gola në 29 për sezonin aktual.
Guardiola tha se zakonisht nuk i pëlqen të sakrifikojë Haaland për të forcuar gjërat në mbrojtje, por e falënderoi atë për bujarinë dhe vetëmohimin e tij. “Unë preferoj kur ai nuk ka nevojë të mbrohet, por me Newcastle dukej sikur Erling luante si mbrojtës qendror. Ai duhej të na ndihmonte“, tha Pep.
“Nuk jam ndonjë tifoz i madh i vendosjes së Erling në mbrojtje. Duhet ta festojmë. Jam vetëm pak i trishtuar për të sepse nuk kishte shumë veprime që mund të bënin pasimin e fundit drejt tij”, shtoi trajneri spanjoll.
“Është e vështirë për të, që të vrapojë, të luftojë dhe pastaj të mos ia japë topin për të shënuar gola. Ai është një lojtar tepër bujar, ndaj nuk do ta harroj kurrë atë që Erling ka bërë për ne”, tha Pep Guardiola.
The post Guardiola: Haaland ndaj Newcastle dukej si mbrojtës, bëri diçka të jashtëzakonshme për ekipin appeared first on Telesport.
