Pep Guardiola dhe Donnarumma dolën para mediave në sallën e konferencave të “Bernabéu”, një ditë para ndeshjes së parë të raundit të 1/8-ave të Champions League mes Real Madridit dhe Manchester City. Trajneri i skuadrës angleze tha: “Emocionet mund të ndikojnë në ndeshje si kjo, por ne kemi ardhur këtu shumë herë.
Në këto lloj kompeticionesh nuk e di kurrë çfarë do të ndodhë; duhet ta përballosh ndeshjen dhe kundërshtarin me shumë respekt. Kur luan në skenat më të mëdha dhe kundër skuadrave të mëdha, sa më mirë t’i menaxhosh momentet e këqija dhe pozitive, aq më mirë është.
Unë nuk jam ai që e nënvlerëson madhështinë e këtij klubi, lojtarët e tij, trajnerin dhe gjithçka që përfaqëson. E di sa e vështirë është të përballesh me Real Madridin në këtë kompeticion. Nuk mund të mbështetem te forma e tyre, sepse nuk jam aty; nuk i shoh në stërvitje dhe as të gjitha ndeshjet. Përqendrohem te vetja, te gjërat që kemi bërë mirë dhe ato që duhet t’i përmirësojmë”.
Për dëmtimet shtoi: “Ata kanë mungesa, por Real Madridi është Real Madridi. Vini Jr. është një kërcënim i vazhdueshëm. Do të përpiqemi t’i qëndrojmë shumë pranë, sidomos kur humbasim topin”.
The post Guardiola: E di sa e vështirë është të përballesh me Real Madridin në këtë kompeticion appeared first on Telesport.
