Drejtori sportiv i Atlético Madrid, Mateu Alemany, kishte bërë tashmë një deklaratë të qartë për këtë çështje, por mungonte konfirmimi nga vetë lojtari. Pas fitores së thellë 5-2 të “Colchoneros” ndaj Tottenham në Champions League, vetë Antoine Griezmann konfirmoi se do të qëndronte në kryeqytetin spanjoll.
Francezi, i cili shënoi golin e dytë, i ka dhënë fund thashethemeve për një transferim të mundshëm të menjëhershëm në MLS (Amerikë). Kishte shumë fjalë që tregonin se ai do të largohej nga Atlético për në Orlando City.
“Unë do të qëndroj. Jam shumë i lumtur këtu dhe po shijoj çdo moment. Mendoj se ajo që bëj në fushë flet shumë për angazhimin tim ndaj këtij klubi. Ideja është të shkoj deri në fund”, tha Griezmann.
Më tej, sulmuesi francez shpalosi edhe objektivin e tij: “Dua të luaj në finalen e Kupës së Mbretit me Atlético (kundër Real Sociedad në prill) dhe pastaj të synoj gjithçka që mundem“. Një mesazh i qartë dhe plot dashuri për tifozët e Atlético.
Griezmann aktualisht është i lidhur me një kontratë me klubin spanjoll deri në verën e vitit 2027. Mbetet për t’u parë nëse ndonjë klub do të bëjë një lëvizje këtë verë, para apo pas Kupës së Botës, me vetëm një vit të mbetur në kontratën e tij.
The post Grizmann zyrtarizon të ardhmen e tij: Do të qëndroj, synoj të fitoj finalen e Kupës së Mbretit appeared first on Telesport.
