Grabitje e armatosur te ‘Santea’ në Prishtinë, Policia arreston disa persona

Një grabitje e armatosur ka ndodhur sot në mesnatë, në lagjen Dardania në Prishtinë, konkretisht te Santea.
Telegrafi mëson se cak i grabitjes ka qenë një supermarket.
Grabitësit kanë shtënë me armë, ndërkaq kanë ikur nga vendi i ngjarjes.
I menjëhershëm ka qenë reagimi i Policisë, të cilët kanë arrestuar disa persona, që dyshohet se janë pjesë e grabitjes.
Nga vendngjarja mësohet se nuk ka persona të lënduar.
Lidhur me rastin, Policia nuk ka dashur të japë detaje të tjera. /Telegrafi/

Pas publikimit të një fotografie ku shihej në ambientet e një spitali, këngëtarja Dafina Zeqiri është detyruar të reagojë publikisht ndaj zërave që sugjeronin se ajo kishte shkuar për të lindur. Artistja, e cila ndodhet në ditët e fundit të shtatzënisë, ka hedhur poshtë këto spekulime përmes një reagimi të drejtpërdrejtë në rrjetet sociale. Në një InstaStory, ajo u shpreh e revoltuar duke thënë: “Jeni tu dek për një exclusivitet që s’keni me marrë KURR! Lëreni të qetë shtatzëninë time”. Foto: Dafina Zeqiri/InstaStory Me këto fjalë, Dafina kërkoi qartësisht respekt për privatësinë e saj në një nga momentet më të ndjeshme të jetës. Gjatë kësaj periudhe të veçantë, këngëtarja ka vazhduar të jetë shumë aktive në skenën muzikore, duke publikuar projekte të reja dhe duke u shfaqur e sigurt dhe krenare me barkun e saj të rrumbullakosur. Klipi i saj i fundit muzikor, i lansuar vetëm pak ditë më parë, është pritur me entuziazëm nga publiku dhe fansat e saj të shumtë, duke dëshmuar se përkushtimi i saj ndaj artit nuk është ndalur as në prag të lindjes.

July 12, 2025