Sigma Olomuc ka fituar Kupën e Çekisë duke e mposhtur në finale Sparta Pragën e shqiptarëve me rezultat 3-1.
Sparta Praga e nisi lojë me vetëm Qazim Laçin, ndërsa Albion Rrahmani, Ermal Krasniqi dhe Indrit Tuci ishin në bankë.
Sigma e mbylli pjesën e parë në epërsi prej 3-0, me dy golat e Filip Zorvan dhe një gol të Matej Mikulenka.
Me të filluar pjesa e dytë, Rrahmani u fut në lojë dhe nuk vonoi shumë ai la shenjë në këtë ndeshje.
Në minutën e 61-të, ai ekzekutoi me saktësi një penallti, për ta dërguar rezultatin në 3-1, me të cilin u mbyll edhe takimi.
Ermal Krasniqi u fut në lojë në minutën e 69-të, por edhe pse kishte tentime, nuk arriti të shënonte.
Sparta Praga po e mbyll një sezon pa trofe, ndërsa goli i sotëm i Albion Rrahmanit ishte i dhjeti këtë sezon.
