Një nga protagonistët e Chelsea në triumfin e Kupës së Botës për klube (mundi 3-0 PSG në finale) ishte edhe portieri Robert Sanchez. “Kishim një shans të shkëlqyer për të bërë histori dhe ia dolëm mbanë”, tha portieri i Chelsea.
“Ne besuam por nuk e prisnim të fitonim kështu: 3-0, duke mbajtur portën e paprekur dhe duke dominuar ndeshjen. Mund të kishim shënuar edhe disa gola të tjerë. Është një ëndërr e bërë realitet. Është gjithçka që donim”, tha Sanchez.
“Njerëzit thanë se kishim rrugën më të lehtë për në finale, por nuk ishte e lehtë. Ne punuam shumë dhe e merituam këtë fitore. Në finale, treguam sa të mirë jemi dhe çfarë mund të bëjmë”, shtoi portieri i Chelsea.
Më tej, ai tha: Ne gjithmonë do të jemi të nënvlerësuar, por ne i dimë cilësitë tona dhe sa të mirë jemi. Ia kemi treguar tashmë botës dhe kështu që duhet të vazhdojmë. Do të përmirësohemi gjithmonë. Djemtë janë të rinj, 21, 22 vjeç. Imagjinoni kur këta lojtarë të jenë 24, 25, 26 vjeç. Do të jemi një ekip i fortë që do të fitojë shumë dhe do të bëjë mirë. Do të bëjmë shumë mirë”.
The post “Gjithnjë na kanë nënvlerësuar por i treguam gjithë botës se kush jemi” appeared first on Telesport.
