Thibaut Courtois kritikoi ashpër La Liga-n dhe presidentin Javier Tebas për kërkesën e refuzuar të Real Madrid-it, duke paralajmëruar se shëndeti i lojtarëve po vihet në rrezik.
Portieri i Madridit, Courtois, foli ashpër ndaj presidentit të La Liga-s, Tebas, pas humbjes 4-0 të skuadrës së tij ndaj Paris Saint-Germain në gjysmëfinalet e Kupës së Botës për Klube.
Duke folur pas ndeshjes, Courtois shprehu zhgënjimin e tij për refuzimin e La Liga-s për të shtyrë ndeshjen hapëse të sezonit 2025-26 të Madridit kundër Osasuna-s, pavarësisht një marrëveshjeje të dukshme midis klubit, Osasuna-s dhe Federatës Spanjolle të Futbollit (RFEF).
Madridi propozoi të shtyjë ndeshjen hapëse të La Ligës kundër Osasuna-s nga 19 gushti në 29 tetor, një datë në të cilën të dyja ekipet janë të lira, pasi asnjëra nuk do të përfshihet në raundin e parë të Copa del Rey që zhvillohet atë javë.
Propozimi pasoi një marrëveshje të mëparshme, të konfirmuar me email dhe telefonatë, midis Madridit, Osasunss, AFE-së dhe RFEF-së. Çështja tani i takon gjyqtarit të vetëm të Komitetit të Garave, megjithëse presioni po rritet mbi ligën për ta rishqyrtuar.
Courtois e kritikoi vendimin në një intervistë pas ndeshjes, duke theksuar rëndësinë e mirëqenies së lojtarëve dhe pushimit, veçanërisht pas një sezoni rraskapitës:
“Me La Liga-n është gjithmonë e njëjta gjë. Për mua, duke dëgjuar komentet e një presidenti… nuk e kam parë në Itali, në Angli, apo në NBA apo NFL. Ne luajtëm Kupën e Botës, e cila është pjesë e kalendarit të FIFA-s.
“Askush nuk ka probleme me ndeshjet, problemi është pushimi. Vetëm tre javë… kjo është vështirësia. Ne jemi i vetmi sport me kaq shumë muaj ndeshjesh. Shpresoj që La Liga të mund ta shtyjë ndeshjen sepse shëndeti i një lojtari është në rrezik”.
The post “Gjithmonë e njëjta gjë”, sulmi i Courtois: S’e kam parë këtë as në Itali dhe as në Angli appeared first on Telesport.
