Moderatorja e njohur shqiptare Elita Rudi ka ndarë disa fotografi të reja në Instagram që kanë tërhequr menjëherë vëmendjen e ndjekësve.
E veshur me një fustan të gjatë ngjyrë të kuqe dhe me prerje elegante, Elita shkëlqeu me stilin e saj të sofistikuar, teksa pozonte pranë bashkëshortit të saj, reperit të njohur Gjiko.
“Kur thashë ‘ta mbajmë thjeshtë’… ai e mori fjalë për fjalë,” ka shkruar Elita me ironi dhe humor në përshkrimin e postimit, duke komentuar kontrastin mes veshjes së saj glamuroze dhe paraqitjes më sportive të Gjikos, i cili kishte zgjedhur një veshje më të çlirët dhe verore — një set të bardhë me këmishë lino dhe pantallona të shkurtra, të kombinuara me atlete të bardha.
Fotot janë realizuar në një ambient të ngrohtë veror, pranë një resorti luksoz, ku perëndimi i diellit, palmat dhe atmosfera tropikale krijojnë sfondin perfekt për momentet romantike të çiftit. Elita, me flokët e saj të gjata dhe të lëshuara, duket elegante dhe plot finesë, ndërsa në fytyrën e saj shkëlqen një buzëqeshje e qetë dhe e sigurt.
Në disa nga fotot, çifti shfaqet duke u përqafuar apo duke ndarë çaste të afërta, duke treguar një lidhje të fortë dhe dashuri të sinqertë. Ndërkohë, një prej fotove e kap Elitën e ulur në një makinë elektrike, duke reflektuar thjeshtësi dhe klas në të njëjtën kohë.
Postimi i Elitës është pritur me shumë komente pozitive nga fansat, të cilët e kanë komplimentuar për stilin, hijeshinë dhe raportin e dashurisë me Gjikon, që duket se sa vjen e bëhet më i fortë me kalimin e viteve. /Telegrafi/
