Qarkullimi në pikat kufitare të Kosovës po zhvillohet pa pritje të gjata deri në këto momente.
Sipas të dhënave të përditësuara, në shumicën e pikave kufitare pritjet për hyrje dhe dalje nga vendi variojnë nga 3 deri në 5 minuta, ndërsa në disa pika të caktuara qytetarët po presin deri në 10 minuta.
Pavarësisht fluksit të lëvizjeve, situata paraqitet e qetë dhe nuk raportohet për kolona të gjata apo bllokime që do të ndikonin në qarkullimin e automjeteve.
