Një fëmijë i mitur që ishte raportuar i zhdukur në Gadime të Lipjanit është gjetur në orët e mbrëmjes të së martës, ka konfirmuar komandanti i stacionit policor në Lipjan, Brahim Shatrolli.
I mituri ishte raportuar i zhdukur pasi nuk ishte kthyer nga shkolla gjatë ditës së sotme.
Sipas disa mediave lokale, ai është gjetur në lumin e Gadimes me shenja jete.
Është dërguar në Qendrën Klinike Universitare të Kosovës (QKUK) për trajtim.
Nga QKUK-ja kanë thënë se ai po trajtohet në dhomën e reanimacionit, por nuk kanë dhënë detaje të tjera.
