Gjashtë raste të dhunës në familje janë raportuar gjatë 24 orëve të fundit në Kosovë.
Sipas Policisë, dy raste kanë ndodhur në Prishtinë, një në Podujevë,një rast në Gjilan, një në Kaçanik dhe një në Klinë.
Lidhur me këto raste, dy persona janë dërguar në mbajtje, ndërsa viktimë ka qenë edhe një fëmijë 6 vjeçar.
Prishtinë 06.06.2025 – 23:10. Janë intervistuar dy të dyshuar (vëllezër) meshkuj kosovarë-njëri i mitur, të cilët pas një mosmarrëveshje kishin përdorur dhunë fizike ndaj njëri-tjetrit. Si pasojë e rrahjes i mituri ka marrë tretman mjekësor. Pas trajtimit të rastit me rekomandim të prokurorit kujdestar rasti procedohet në procedurë të rregullt.
Prishtinë 07.06.2025 – 17:00. Është arrestuar e dyshuara femër kosovare, për shkak se kishte tentuar ta godas viktimën mashkull kosovar-bashkëshortin e saj dhe ia kishte mbyllur derën e hyrjes së banesës. Sipas viktimës, bashkëshortja e tij ka probleme shëndetësore. Me urdhër të prokurorit pas intervistimit e dyshuara është liruar në procedurë të rregullt.
Podujevë 07.06.2025 – 15:00. Është arrestuar i dyshuari mashkull kosovar, nën dyshimin se i njëjti kishte ushtuar dhunë fizike ndaj viktimave bashkëshortes dhe vajzës së tij 6-vjeçare. Si pasojë e dhunës viktimat kanë pranuar tretman mjekësor, kurse i dyshuari pas intervistimit me urdhër të prokurorit është liruar në procedurë të rregullt.
Gjilan 07.06.2025 – 16:10. Është arrestuar i dyshuari mashkull kosovar, nën dyshimin se i njëjti kishte ushtruar dhunë psikike dhe fizike ndaj nënës dhe motrës së tij. Sipas viktimave i dyshuari është recidivist i rasteve të dhunës në familje pasi është përdorues i narkotikëve dhe shumicën e kohës është i dehur. Me vendim të prokurorit, i dyshuari është dërguar në mbajtje për 48 orë.
Kaçanik 07.06.2025 – 01:30. Është raportuar për rastin, ku i dyshuari mashkull kosovar (bashkëshorti), ka shkaktuar dhunë ndaj bashkëshortes. Lidhur me rasti ende nuk është intervistuar i dyshuari. Rasti nën hetime.
Klinë 07.06.2025 – 23:40. Është arrestuar i dyshuari mashkull kosovar, pasi i njëjti në gjendje të dehur ka shkaktuar dhunë në anëtarët e familjes. Viktimës i është ofruar tretman mjekësor, ndërsa i dyshuari i cili dyshohet se ka ushtruar dhunë në familje edhe më herët, me vendim të prokurorit është dërguar në mbajtje.
The post Gjashtë raste të dhunës në familje gjatë 24 orëve të fundit appeared first on TËVË 1 – Lexoje të vërtetën!.
