Gazetari i Bahri Cani ka bërë me dije se kandidatit të VV-së për kryeministër, Albin Kurti, ende nuk ia kanë deklaruar votën disa deputetë të partive nga minoritet jo serbe.
Ai ka treguar se dy-tre nga ta nuk ia kanë dhënë “po”-në përfundimtare në takimet që ka pasur gjatë kësaj jave.
Në profilin e tij në “Facebokk”, Cani ka shkruar për kushtet që kanë pasur këta deputetë.
“Kryeministri Albin Kurti dhe LVV synojnë që së bashku me konstituimin e Kuvendit të ri, me 15 prill të krijojnë dhe votojnë edhe qeverinë e re. Kurti ka pasur këto ditë në kabinetin e tij takime me përfaqësuesit e minoriteteve, përveç Listës Serbe. Dy-tre prej tyre akoma nuk kanë deklaruar përfundimisht se do ta votojnë qeverinë Kurti III. Duda Balje për shembull ka kërkuar edhe një komunë boshnjake, e ajo ka kërkuar edhe post ministror apo postin e zvkryeministres.…”, ka shkruar Cani.
