Manchester City ka fituar 3-2 ndaj Leeds në “Etihad”, për javën e 13-të në Premier League. “Qytetarët” e nisën shumë mirë takimin duke gjetur golin që në minutën e parë, me Phil Foden, i cili shënoi pas asistit të Matheus Nunes.
Në minutën e 25-të, Josko Gvardiol, shënon golin e dytë për City-n, pas një topi të ardhur nga goditja e këndit. Pjesa e parë mbyllet 2-0 për vendasit. Pjesa e dytë ishte më e mirë për miqtë, të cilët gjetën golin që në minutën e 48-të, me Calvert-Lewin i sapofutur në fushë, i cili përfitoi nga një gafë e mbrojtjes së “Qytetarëve”.
Në minutën e 68-të, Calvert-Lewin pengohet në zonë, penallti për Leeds. Godet Lukas Nmecha, por pret Donnarumma, megjithatë sulmuesi gjerman e dërgon në rrjetë topin e kthyer mbrapsht nga portieri italian. Goli i shpëtimit për City-n do të vinte në minutën e fundit të kohës së rregullt, me Phil Fode, padyshim njeriu i ndeshjes. City fiton 3-2 dhe ngjitet në vendin e dytë me 25 pikë.
Në dy ndeshjet e tjera, Sunderland edhe pse në disavantazh 0-2 ndaj Bournemouth, arriti të përmbysë shifrat dhe të fitojë përfundimisht 3-2. Granit Xhaka dha asist në golin e barazimit 2-2. Pas kësja fitoreje, Sunderland renditet i katërti me 22 pikë.
Brentford fitoi 3-1 ndaj Burnley me dy gola në minutat e fundit. Armando Broja u aktivizua në minutën e 80-të.
The post Foden shpëton Guardiolën dhe City-n nga turpërimi i radhës, Sunderland i Xhakës fiton me përmbysje (video) appeared first on Telesport.
