Ndikimi i “Santiago Bernabéu” të ri vazhdon të jetë një temë e nxehtë debati, veçanërisht pas ndeshjes historike të NFL-së të së dielës së kaluar, e cila e riktheu stadiumin ikonik në ballë të arenës ndërkombëtare.
Në një intervistë me “GQ”, presidenti i Real Madrid, Florentino Perez, iu rikthye temës, duke theksuar vizionin pas projektit. “Çdo tifoz madrilen që hyn në Bernabéu duhet të ndihet sikur është pjesë e diçkaje unike. Teknologjia na lejon të bëjmë pikërisht këtë: të përmirësojmë çdo ndërveprim dhe të forcojmë lidhjen emocionale me tifozët tanë“, shpjegoi ai.
Pastaj, Perez prezantoi një nga projektet më inovative në proces, një përvojë gjithëpërfshirëse të realitetit virtual që do t’i lejojë kujtdo, nga kudo në botë, të përjetojë një ndeshje sikur të ishte në tribuna.
“Do të jetë gjëja më e afërt me të qenit realisht në stadium. Një mjedis ku mund të përjetoni emocione dhe ndjesi të paimagjinueshme më parë. Është si të hapësh dyert e Bernabéu për të gjithë planetin, pa kufij, falë një teknologjie që do të shënojë një para dhe pas në sport”, tha Perez.
The post Florentino Perez zbulon risinë: Tifozët nga e gjithë bota do ta përjetojnë një ndeshje të Real sikur të ishin në Bernabeu appeared first on Telesport.
