Hansi Flick është njeri optimist. Këtë e konfirmoi këtë të shtunë në konferencën për shtyp, para ndeshjes kundër Rayo Vallecano. Ai siguroi se ka besim që Fermín do të vazhdojë te Barça, u shpreh shpresëplotë për rikuperimin e Gavit nga dëmtimi në gju, pas pushimit (kualifikueseve të kombëtareve), pranoi se objektivi është të fitohet Champions League.
Ndeshja – “E rëndësishme është që kemi fituar 6 pikët e para, por duam ta fitojmë edhe ndeshjen e tretë. Rayo ka bërë një punë të madhe, trajneri i tyre po punon mjaft mirë. Ata dinë si të luajnë. Do të jetë një ndeshje e fortë. Fusha nuk është shumë e madhe, na pret një rival i madh dhe ndeshje ndryshe”.
Fermín – “Për momentin, është këtu. Kam folur me të. Jam i sigurt që do të qëndrojë, por nuk e di çfarë mund të ndodhë. Duhet pritur. Do të jem i lumtur kur të mbyllet merkatoja. Ia kam thënë mendimin tim dhe kjo mbetet mes nesh. Ndonjëherë lojtarët apo rrethi i tyre, ka shumë njerëz, ndoshta dinë më shumë. Futbolli është një biznes i madh. Si trajner përqendrohem tek ekipi im dhe jam i lumtur që është te Barça. Është një pjesë e rëndësishme, stili i tij është ndryshe dhe mund të na ndihmojë shumë”.
Gavi – “Shpresojmë që të jetë gati kundër Valencia, pas pushimit. Sidoqoftë, duhet parë si evoluon. Është më mirë se dje. Duhet të përqendrohet dhe të rikuperohet, të punojë dhe ketë disiplinë. Jemi optimistë”.
Rayo – “Gjendja e barit nuk mund të ndryshohet. I prek njësoj të dyja skuadrat”.
Merkatoja e mbyllur – “E di që është një temë interesante, por nuk varet nga unë pse nuk është mbyllur ende. Kanë mbetur edhe dy ditë”.
Fermín – “Përqendrohem tek ekipi dhe jo te situata financiare. Do të më pëlqente t’i mbaja të gjithë lojtarët. Pjesa tjetër janë gjëra për të cilat duhen pyetur të tjerët”.
Champions League – “Besoj se të gjitha klubet si Barça kanë të njëjtin objektiv: të fitohet Champions-i. Është kompeticioni më i mirë ku luajmë. Ky kapitull i ri është një çmenduri. E pashë me ndihmësin tim Marcus. Është interesant, jemi të lumtur që e luajmë. Sezonin e kaluar bëmë një rrugëtim të madh deri në gjysmëfinale, meritonim më shumë. Do të përpiqemi dhe do ta tentojmë triumfin”.
Szczesny – “Duhet të presim për të parë nëse është i regjistruar”.
Merkatoja – “Nuk mund të përgjigjem. Nuk e di nëse do të ndodhë diçka. Është një çmenduri dhe kurrë nuk e di çfarë do të ndodhë”.
Fermín – “Është një lojtar agresiv në fushë, me dhe pa topin. Edhe kur hyn në vijën e fundit, na ndihmon të krijojmë hapësira. Shënon, jep asistime… Nëse është në fushë dhe ka gjendje të mirë shpirtërore, është i mrekullueshëm. Atij i pëlqen Barça. Zemra e tij thotë Barça. Te Barça është në shtëpi, ndihet mirë këtu”.
Presioni i Rayo – “Çdo ndeshje është e ndryshme. Ata bëjnë shumë mirë presion, orientohen te çdo lojtar, luajnë me intensitet, ndaj ne duhet të luajmë me bindje. Duhet t’i shfrytëzojmë hapësirat që na lënë”.
Stili i Barçës – “Edhe sezonin e kaluar donin të përshtateshin me filozofinë tonë, edhe kjo duhet pasur parasysh. Çdo skuadër punon në mënyrën e vet. Për mua La Liga është shumë e fortë. Skuadrat dinë si të luajnë dhe si duan të luajnë. Është shumë e bukur ta shohësh nivelin e lartë që ka. Pjesa teknike, krijimi i rasteve, presioni i ulët, tranzicionet pas rikuperimit…, çdo skuadër është ndryshe. Sidoqoftë, lojtarët tanë dinë ta përballojnë çdo ndeshje”.
The post Flick: Objektivi ynë madhor është fitimi i Champions-it. Fermín Lopez? Zemra e tij thotë “Barça” appeared first on Telesport.
