Pas humbjes në debutim, Milani u rimëkëmb menjëherë falë fitores 2-0 ndaj Lecce. Suksesi i mbrëmshëm në “Via del Mare” erdhi pa Rafael Leao, i cili ishte ende duke u rikuperuar nga dëmtimi në pulpën e këmbës, i shkaktuar në Kupën e Italisë. Gjithsesi, sulmuesi portugez pati mundësinë ta komentonte ndeshjen në një “streaming” argëtues në kanalin e tij në Twitch.
Leao, në një lloj auto-interviste, i bëri vetes pyetje, për t’u përgjigjur më pas: “Pse isha zhdukur (nga “live”)? Sepse trajneri dhe Ibra më thanë ‘mos dil shumë shpesh ‘live’ (qesh). Sonte fituam, kështu që është një arsye e mirë për të qenë këtu”.
Videoja vazhdon: “A e pe ndeshjen? Sigurisht, fituam. Djemtë bënë një punë të madhe. Fitore e madhe në një fushë të vështirë, ekipi bëri një punë të shkëlqyer, luajtëm shumë mirë. E dinim që ishte ndeshje e vështirë, duhet të vazhdojmë kështu për të arritur të parët atje lart”.
“Ti ishe jashtë, si ndihesh? Jam mirë (qesh), punoj për t’u rikthyer shpejt në ekip, për ta ndihmuar me gola dhe asiste. Dhe si shkon me muzikën? Nuk mund të flas për këtë, sepse jam i fokusuar te puna ime si futbollist”, – vazhdoi Leao.
“Qëllimi i këtij sezoni, çfarë mendon për këtë ekip? Të gjithë, si ata që luajnë në fushë, ashtu edhe ata në stol, po bëjnë një punë të madhe, trajneri është shumë i aftë”, – mbylli me një buzëqeshje të madhe.
The post Fitorja ndaj Lecce, Leao interviston vetveten: Të vazhdojmë kështu për të arritur të parët, atje lart appeared first on Telesport.
