Arbeloa mbush një muaj në stolin e Real Madridit, me skuadrën në një situatë shumë të vështirë. “Pas pak ditësh si trajner kisha një lojtar në zyrë për t’u ankuar”, – zbulojnë në Valdebebas, duke treguar sa i ashpër ka qenë fillimi në këtë detyrë. Ai nisi punën nën vëzhgimin e skuadrës, klubit, mediave dhe tifozëve, në një klimë tensioni të lartë.
Gjeti një grup të lehtësuar pas largimit të Xabi Alonso, por edhe mosbesues. Edhe pse nuk ishte i panjohur (ish-trajner i Castilla), kalimi nga prania në stërvitje te marrja e komandës ishte hap i madh. Hyri me ide të qarta për rindërtimin e ekipit dhe dhomës së zhveshjes, fitoi respektin, por kaloi “zjarre” të para me pakënaqësi individuale.
Objektivi kryesor mbetet uniteti. “Nuk do të bëj budallain, sigurisht që ndodhën gjëra me Xabi Alonso”, – pranoi Mbappé, duke nënkuptuar “divorcin”. Arbeloa ndryshoi ambientin e punës, uli ngarkesën taktike dhe teprimin e informacionit. Klubi e mbështet plotësisht, një muaj që u duk si një vit.
The post Fillimi i vështirë i Arbeloa: Pak ditë pas emërimit si trajner erdhi një lojtar në zyrë për t’u ankuar appeared first on Telesport.
