Pas Manchester City që eliminoi Liverpool-in, Chelsea është gjysmëfinalisti i dytë i FA Cup për këtë sezon. “Blutë” kanë fituar 7-0 në “Stamford Bridge” ndaj surprizës së këtij sezoni, Port Vale, ekip që aktualisht renditet në vendin e fundit në League One dhe sezonin e ardhshëm do të luajë në League Two, pra Kategoria e Katërt.
Chelsea zhbllkoi shifrat që në minutën e 2-të, me Jorrel Hato. Holandezi shënoi pas një topi të ardhur nga goditja e këndit dhe një rrëmuje të krijuar në zonë, por me një goditje të fuqishme dërgoi topin në rrjetë. Joao Pedro dyfishoi shifrat në minutën e 25-të, pas asistit të Pedro Neto.
Në fund të pjesës së parë, në një dyfluftim me Cole Palmer, ishte Lawrence-Gabriel që dërgoi topin në portën e tij. Pjesa e parë mbyllet 3-0 për “Blutë”, të cilët shënojën edhe 4 gola të tjerë në 45 minutat e dyta.
Tosin Adarabioyo shënoi me kokë ne minutën e 56-të, pas krosimit të Malo Gusto. Dy brazilianët e rinj, Andrey Santos dhe Estevao, gjetën po ashtu rrjetën. Në mintuat shtesë, Alejandro Garnacho shënoi nga penalltia dhe vulosi fitoren 7-0 për londinezët.
Enzo Fernandez e ndoqi takimin nga tribuna, pasi argjentinasi është i epzulluar me dy ndeshje nga drejtuesit e klubit për shkak të deklaratave të bëra gjatë javës, ku shprehu publikisht dëshirën për të jetuar në një qytet si Madridi, duke nënkuptuar transferimin te Real Madrid.
The post FA CUP: Chelsea nuk tregon mëshirë ndaj ekipit të League One, “Blutë” kalojnë në gjysmëfinale (video) appeared first on Telesport.
