Era Istrefi ka publikuar projektin e saj më të ri muzikor, të titulluar “CARBON2000”, duke befasuar fansat me një stil të guximshëm dhe një energji të re.
Në videoklipin e këngës, këngëtarja shfaqet me një pamje tërësisht ndryshe nga paraqitjet e fundit, duke rikthyer elemente të stilit të saj të dikurshëm, i cili e bëri të dallonte në industrinë muzikore.
Në këtë projekt, Era duket se i këndon një historie dashurie që nuk funksionoi më, duke përçuar një ndjenjë fuqie dhe pavarësie.
Pamja e saj në klip është tejet provokuese, me veshje që nxjerrin në pah fizikun e saj mbresëlënës dhe një qëndrim të fortë e rebel.
Fansat e kanë pritur me entuziazëm këtë rikthim, duke komentuar se Era po i afrohet sërish identitetit të saj muzikor unik, i cili i solli sukseset më të mëdha në karrierë.
“CARBON2000” po shfaqet si një prej projekteve më të veçanta të këngëtares, duke treguar edhe një herë anën e saj kreative dhe eksperimentale në muzikë.
