“Nuk ka rëndësi se kush është favoriti, sepse në këto lloj ndeshjesh, është e pamundur të kesh një të tillë. Nuk mendoj se jemi ne. Vitin e kaluar, të gjithë thanë se ishte Liverpool, por në vend të kësaj, PSG u kualifikua“.
Luis Enrique, trajneri i PSG, kampionëve në fuqi të Champions League, nuk e ka harruar atë që ndodhi sezonin e kaluar. Ai e gjeti veten në prag të eliminimit, por më pas arriti të rikuperonte, për t’u ngjitur në krye të Evropës, duke mposhtur Inter në finale.
Megjithatë, ka dallime 12 muaj më vonë. “Është një vit i ndryshëm. Dua të njëjtin identitet ekipi: Të përpiqem të luaj futboll të mirë dhe të shijoj garën.”
Më 5 mars të vitit të kaluar, Liverpool arriti të fitonte në Parc des Princes në ndeshjen e parë të raundit të 16-tave, një ndeshje që trajneri i PSG-së e kujton sikur të ishte dje.
“Ishte një ndeshje e nivelit të lartë. Do të nënshkruaja për një performancë të përsëritur, por jo për të njëjtin rezultat (humbje 1-0). Duhet të përfitojmë nga të luajturit në Parc des Princes, me një atmosferë të jashtëzakonshme. Është shumë pozitive për ne të luajmë në shtëpi“, tha Luis Enrique.
Më tej, Luis Enrique më pas dha një përditësim mbi gjendjen e Fabian Ruiz, i cili ka qenë jashtë që nga 20 janari: “Duhet të presim lojtarin; nuk ka problem. Po përpiqemi t’i rikthejmë lojtarët sa më shpejt të jetë e mundur, po vazhdojmë të kemi besim tek ata”.
“Fabian nuk është stërvitur ende me grupin; ai ka bërë shumë përparim dhe jemi të lumtur sepse duket se është në rrugën e duhur, por ende i mungojnë disa gjëra“, tha Enrique, duke konfirmuar se ai nuk do të jetë sot në fushë.
The post Enrique: Uroj të përsëritet historia e një viti më parë me Liverpool, dua të njëjtin identitet ekipi appeared first on Telesport.
