John Elkann, CEO i Exor (kompania që kontrollon Juventusin), mohoi për “Reuters” çdo spekulim mbi një mundësi shitjeje të klubit bardhezi. Ai deklaroi: “Vazhdojmë të jemi plotësisht të përkushtuar ndaj Juventusit. Ndihemi krenarë që jemi aksionarë kontrollues prej më shumë se një shekulli”.
Për bashkëpunimet e mundshme me investitorë të tjerë, si Tether (kompani kriptomonedhash, që u bë aksioneri i dytë i klubit), Elkann shtoi: “Jemi dhe gjithmonë kemi qenë të hapur ndaj ideve konstruktive nga të gjithë aktorët që ndajnë ambicien dhe pasionin tonë për klubin. Mbështesim bordin e ri drejtues dhe ekipin e ri menaxhues, pasi prioriteti ynë mbetet të kombinojmë rezultatet pozitive sportive me disiplinën financiare”.
Ky qëndrim konfirmon angazhimin e vazhdueshëm të Exor ndaj Juventusit dhe refuzimin e çdo negociate për shitje, duke theksuar rëndësinë e stabilitetit sportiv dhe financiar.
The post Elkann mohon zërat për shitjen e klubit: Jemi plotësisht të përkushtuar ndaj Juventusit appeared first on Telesport.
