Gjithçka gati për transferimin e Theo Hernandez nga Milan te skuadra arabe e Al Hilal. Mbrojtësi francez, i cili nuk është i pranishëm në Milanello sot në ditën e parë të grumbullimit, është shumë afër shitjes.
Sipas “Gazzetta Dello Sport”, Hernandez do të fluturojë për në Arabinë Saudite në orët e ardhshme për t’iu nënshtruar testeve mjekësore me klubin e tij të ri. Transferimi do t’i garantojë atij një pagë prej 20 milionë eurosh në sezon.
Shtrëngimi i duarve erdhi në bazë të 25 milionëve eurove që do të arkëtojnë kuqezinjtë, një shifër afër 30 milionëve të kërkuara fillimisht për regjistrimin e lojtarit. E vetmja gjë që mbetet për t’u bërë tani është të sqarohen metodat e pagesës, por marrëveshja nuk është në dyshim.
Kështu, Theo Hernandez largohet nga Milani pas gjashtë sezonesh dhe 262 paraqitjeve gjithsej. Në të ardhmen e tij është Liga Profesionale Saudite, ku ai do të trajnohet nga Simone Inzaghi, një rival në shumë derbi.
The post E kryer! Theo Hernadez nuk paraqitet në Milanello, fluturon drejt Arabisë për vizitat mjekësore appeared first on Telesport.
